2. Kiм для нас з’яўляецца Марыя?

РАЗДЗЕЛ ПЕРШЫ 

Сутнасць асабістага аддання сябе Марыі

1. Kiм для нас з’яўляецца Марыя?

Марыя – з’яўляецца Божым стварэннем, як мы, сама па сабе Яна з’яўляецца нічым, але ўсё Яна атрымала ад Бога. Бог, аднак, учыніў Яе найпрыгажэйшым і наймагутнейшым пасля Хрыста чалавекам. Ён не патрабаваў Яе дзеля ажыццяўлення сваіх планаў, але з любові да Яе і да людзей паклікаў Яе да жыцця і праз Яе хоча ажыццявіць Свае найвялікшыя справы. Марыя з’яўляецца Маці Божай і гэты адзіны і незразумелы прывілей узвышае Яе па-над усімі стварэннямі. Еднасць Марыі са Святой Тройцай робіць Яе для нас таямніцай.

Марыя з’яўляецца нашай Суадкупіцелькай. 

Стоячы пад крыжам, Яна расплачвалася разам з Хрыстом, і ў залежнасці ад Яго, боллю Свайго Беззаганнага Сэрца сплачвала кошт нашага Адкуплення. Дзякуючы гэтаму тытулу, у Яе ёсць права на кожнага чалавека, таму што Яна разам з Хрыстом заслужыла для кожнага з нас жыццё вечнае.

Марыя з’яўляецца Пасрэдніцай усялякіх ласкаў.

Нішто не прыходзіць да нас ад Бога без Яе. Сын перадаў Ёй усё, што здабыў праз сваё жыццё і смерць. Марыя можа выпрасіць кожную ласку і кожную, якую мы атрымліваем, Яна сапраўды выпрошвае.

Марыя з’яўляецца Каралевай Свету, Анёлаў і людзей. 

Яна мае не толькі каралеўскую годнасць, але таксама сапраўдную каралеўскую ўладу. Яна – магутная Каралева і нішто не можа Ёй супрацьстаяць. Бог ні ў чым Ёй не адмаўляе, а Яна ведае, аб чым можа прасіць Каралева свету. Яна таксама мае ўладу над сатаной. Злы дух баіцца Яе больш, чым усіх анёлаў і святых.

Марыя з’яўляецца Маці Касцёла і людзей.

Яна – Маці Містычнага Цела, яго звышнатуральнага жыцця. Бог праз Яе дае Касцёлу і кожнаму з яго супольнікаў сваё жыццё, праз Яе Ён дае моц, узрастанне і развіццё. Калі Бог зрабіў Марыю настолькі вялікай і прыгожай і так глыбока ўвёў Яе ў збаўчую справу, у жыццё Касцёла і кожнага з нас, Ты ўчыніш вельмі мудра, калі будзеш імкнуцца як мага больш злучыцца з Ёй.