Пяты дзень: я слабы.

Малітва да Святога Духа

Прыйдзі, Стварыцель Дух Святы, 

Наведай вернікаў сваіх, 

Напоўні ласкай з вышыні 

Сэрцы, што створаны Табой.

Названы Суцяшыцелем, 

Ты - найвышэйшы Бога дар,

Жыцця крыніца і любоў, 

І ўзмацненне нашых душ.

Ты спасылаеш сем дароў, 

Бо маеш сілу ад Айца. 

Праз Сына абяцаны нам, 

Ты мноствам моваў прамаўляў.

Сваёю ласкай асвяці 

Сэрцы і розум нашыя,

І целы нам аздараві, 

І нашы цноты ўзмацняй.

Ты злога духа адгані 

І супакоем адары, 

Заўсёды за сабой вядзі 

І прабачэнне грэшным дай.

Дай праз Цябе Айца пазнаць 

І шлях да Сына пакажы.

Ты - Дух любові іх дваіх, 

Верым Табе ва ўсе часы.

Богу Айцу хвала заўжды

І Сыну ўваскрэсламу. 

Суцяшыцелю, Табе 

Хвала на вечныя вякі. Амэн.

Біблійнае чытанне: Рым 7, 21-25  

Ключавыя словы і фразы для разважання:

• «Няшчасны я чалавек!»

• «Хто вызваліць мяне ад гэтага цела смерці?»

• «Розумам  служу  Закону Божаму, а целам – закону граху!» 

21 Тады я адкрываю закон, што, калі хачу рабіць дабро, ляжыць перада мною зло. 22 Паводле духоўнага чалавека, знаходжу задавальненне ў Законе Божым, 23 але ў членах маіх бачу іншы закон, што змагаецца з законам розуму майго і робіць мяне нявольнікам закону граху, які ў членах маіх. 24 Няшчасны я чалавек! Хто вызваліць мяне ад гэтага цела смерці? 25 Дзякую Богу  праз  Езуса  Хрыста,  нашага  Пана!  Значыць  я  сам  розумам  служу  Закону Божаму, а целам – закону граху.

Чытанне святога Людвіка дэ Манфора: Трактат аб сапраўдным ушанаванні Найсвяцейшай Дзевы 87 

Ключавыя словы і фразы для разважання:

• Нашая слабасць

• Нашая крохкасць

• Нашая душа слабая

• А нашае цела??? 

[87] Пятая праўда. З-за нашай слабасці і крохкасці нам вельмі цяжка захаваць ласкі і скарбы, дадзеныя Богам:

1. Таму што мы захоўваем гэты скарб, даражэйшы за неба і зямлю, у крохкіх судзінах:  Habemus thesaurum istum  in  vasis fictilibus (2 Кар 4, 7), нашых тленных целах, слабых і няздольных захаваць сталасць душах, якія турбуюцца з-за найменшых дробязяў. 

Пытанне: 

колькі разоў на працягу жыцця ты забываўся дзякаваць Богу? Узгадай некалькі сітуацый і падзякуй за іх Богу.

На заканчэнне:

Малітва святога ружанца.